Aitor eta Joana harreman bitxi batean sartuta daude, "bai baina ez" moduko egoera batean, telefonoaren bitarteko dei eta mezuekin mantentzen dena. Joana neska zentzuduna, zuhurra eta maitekorra da, baina nekatuta dago egoera honekin eta Aitor pikutara bidaltzeko gogoa ematen dio askotan. Aitorrek, berriz, ez du Joana galdu nahi, baina aldi berean Irati izeneko beste neska bat ezagutu du. Irati ausarta, sexyagoa eta erakargarriagoa da, eta Aitor erabat nahasiko du. Gazte baten zalantzak, jeloskortasuna eta maitasun hiruki baten korapiloak biltzen ditu gazteentzako istorio honek.