Said e Sheila, irmáns dunha época futura, viven neste volume as súas aventuras máis sorprendentes e arriscadas. Saben que o futuro non é algo inevitable, senón unha tarefa colectiva que cómpre construír entre todos. Por iso viaxan no tempo e percorren o planeta co seu transportador: da Antártida a Grecia, de Suíza á Arxentina, de Brasil á parroquia de Loreda, a súa pequena aldea galega. Alí viven conectados ao mundo co seu ordenador. Pacifistas, solidarios, defensores da xustiza e do medio ambiente, coa axuda da súa panda de amigos e amigas, saberán enfrontar con optimismo a quen pretende facerse dono do planeta.